SHIGONGO ATAJWA KUWA MMOJA WA MABILIONEA AFRICA

MKURUGENZI Mtendaji wa Kampuni ya Global Publishers and Enterprises Limited, Eric James Shigongo ametajwa kwenye makala ya African Billionaires kuwa yumo kwenye orodha ya miongoni mwa mabilionea wa Afrika ambapo katika orodha hiyo yumo pia bilionea namba moja Afrika, Aliko Dangote wa Nigeria.

Katika makala hiyo inayoandaliwa na Stella Monica Mpande, Phd na kurushwa kupitia Chaneli ya Ndiho Media ya Uganda iliangazia zaidi kuhusu ubunifu katika biashara na teknolojia, imeeleza kuwa, Eric Shigongo ni miongoni mwa wafanyabiashara wabunifu zaidi na wanaoendana na kasi ya mabadiliko ya teknolojia.

Aifrican Billionaires imeeleza kuwa, miongoni mwa biashara zilizompatia mafanikio zaidi Shigongo ni vyombo vya habari ikiwemo uchapishaji wa magazeti ya Amani, Championi, Ijumaa, Risasi, pamoja na Uwazi. Biashara za hoteli, nyumba za kupangisha, pamoja na kilimo.

Aifrican Billionaires pia imetaja sababu za mafanikio ya Shigongo kuwa ni mtu mwenye uthubutu, kujituma, kubuni vitu vipya na kuviendesha kwa ufanisi. Kuwasaidia watu wenye shida pamoja na kuwa mwalimu mahili wa ujasiliamali na mhamasishaji ndivyo vimemfanya afanikiwe kutoka kwenye umaskini hadi utajiri.

Shigongo ameingia kwenye orodha ya Mabilionea wa Afrika ambao wamo bilionea namba moja Afrika, Aliko Dangote  wa Nigeria anayemiliki viwanda na kuendesha biashara ya saruji, na sukari sehemu mbalimbali duniani.

Yumo pia  Gordon Wavamunno raia wa Uganda anayemiliki vyombo vya habari, usafiri na shule na Tribert Rujugiro Ayabatwa, Mrwanda  anayemiliki maduka ya super market, viwanda vya saruji, chai na tumbaku.
Najihisi mwenye furaha mtu wangu wa mfano/kuigwa kutajwa kuwa ni mmoja wa matajiri Afrika,MUNGU ENDELEA KUMPATIA ZAIDI NZ ZAIDI

MTI WA AJABU WAONEKANA TANGA

Hali ya kushangazi imejitokeza mkoani Tanga na kusababisha mjadala mzito katika mitandao ya kijamii baada ya kuibuka swala la mti kufanana na Mwalimu Nyerere  na upande wa pili mama maria Nyerere mkoani Tanga maeneo ya Tangamano... Embu jionee mwenyewe kama kunaukweli juu ya swala hili..

 

FUNGA KWA KUZINGATIA HAYA

Utangulizi

Sifa zote njema zinamstahikia Allah (Subhaanahu wa Ta’ala) na sala na salamu zimfikie Mtume wake (Swalla Allahu alayhi Wasallam) pamoja na ndugu na maswahaba zake.Baada ya kumshukuru  Allah (Subhaanahu Wata’ala)  na kumtakia rehma na amani Mtume Muhammad (Swalla Allahu alayhi Wasallam) pamoja na ndugu zake na maswahaba zake wote, basi kwa hakika Mwenyezi Mungu Mtukufu (Subhaanahu Wata’ala)  amejaalia kwa waja wake  miongo [misimu] ya kuzidisha ndani yake matendo mema  na Mwenyezi Mungu (Subhaanahu wa Ta’ala)  huzidisha pia malipo ya matendo hayo kwa waja wake, na miongoni mwa miongo hiyo ni huu  mwezi mtukufu wa Ramadhani.Basi katika makala haya nitaelezea kwa ufupi juu ya funga na yale yanayoambatana nayo ikiwa ni pamoja na  hukumu, fadhila na adabu zake.

Ninamwomba Allah (Subhaanahu wa Ta’ala)  awanufaishe Waislamu kwa yale nitakayoyaelezea, na aturuzuku ikh-laswi [kutaka radhi zake pekee] katika matendo yetu yote,  amiiin.
Kwake pekee ndiyo kwenye mafanikio ya dunia na akhera.Maana ya FungaNeno swaumu ambalo ni funga katika lugha ya Kiswahili,   kilugha lina maana ya  kujizuilia.

Ama katika sheria, funga [swaumu] ni kumuabudu Mwenyezi Mungu (Subhaanahu wa Ta’ala)  kwa kujizuilia na vyenye kufuturisha [kufunguza] kuanzia kudhihiri alfajiri  [ya pili] mpaka kuchwa [kuzama] kwa jua na kwa kunuilia kujikurubisha kwa Mwenyezi Mungu (Subhaanahu wa Ta’ala).

Historia ya Funga

Kwa hakika funga si ibada ngeni, bali ni ibada iliyofaradhishwa kwa umati zilizotangulia na pia kufaradhishwa katika umati huu. Amesema Mwenyezi Mungu Mtukufu: {{Enyi mlioamini! mmelazimishwa kufunga [saumu] kama walivyolazimishwa waliokuwa kabla yenu ili mpate kumcha Mungu}} (2:183).Ama katika umati huu wa Muhammad (Swalla Allahu ‘alayhi Wasallam) funga  ilifaradhishwa katika mwezi wa Shaaban mwaka wa pili baada ya Hijrah (2H).

Funga kwa kuombea mafanikio
Ewe ndugu katika imani hii,unapoingia mwezi huu wa Ramadhani funga kwa toba,kuombea mafanikio katika maisha yako,familia yako na taifa lako naye Mungu  (Subhaanahu wa Ta’ala) atakusikia na kutimiza ndoto zako za kila siku.

NAKUTAKIA MFUNGO MWEMA NA MUNGU AKUONGOZE.

ZITTO NA MDEE WAUNGURUMA

Wakihojiwa na redio moja mkoani Kagera inakosemekana wataanzia ziara hivi karibuni
Zitto amesema hawezi kumjadili naibu spika maana anajua anatumwa. "Huyu simjadili maana najua anatumwa na akiambiwa geuka anageuka, akiambiwa kimbia anakimbia". Alisema yeye anamwambia aliyemtuma apambane na ufisadi na si demokrasia kwani dunia nzima waliogombana na demokrasia wameangukia pua. Amesisitiza ziara inayotarajia kuanza itawazindua watanzania

Mdee: Amesema kiini cha kuzuia matangazo ya moja kwa moja ni kutaka kuwaaminisha kwamba serikali hii ni tukufu kumbe ya kisanii tu. Amewataka watanzania wajitokeze kwa maelfu kwenye mikutano yao ili wadadavuliwe serikali ilivyo ya kidikiteta. "Ndani ya bunge tumeaacha wabunge makini wa kuweza kuibana serikali, nje tuko mashine za kutosha kuiamsha jamii ya watanzania".

Wote wamesema serikali ya Magufuli ina dalili zote za kidikteta na inaliteka bunge makusudi ili kunyamazisha wakosoaji maana huko ndiko Magufuli anaweza kuanikwa. Wamesema madikteta wote hupenda kusifiwa na kuimbiwa nyimbo za kuabudiwa. Walisema

HUYU NDIE MWANAMKE WA KUOA

Wanaume wengi wanapofikia hatua ya kuoa si kwamba wanakurupuka tu na kuoa mwanamke yeyote mwenye sura nzuri, bali huchukua muda wao mwingi kuchunguza mambo mengi juu ya wake ambao wanadhani kwamba wanaweza kuwa pamoja kwa kipindi chote cha maisha.

Wanawake wengi wanajisahau na kudhani kwamba kitu kinachowezakuwafanya wakapata wachumba niuzuri hivyo kupoteza muda wao kujichubua na kujiremba ili wawavutie wanaume bila kujua kwamba kuolewa ni zaidi ya uzuri.

Hali sasa hivi imebadilika ni tofauti na kipindi cha nyuma ambapo ukiwa na sura nzuri na umbo la kuvutia basi una asilimia 100 za kuolewa.

Utafiti ambao nimeufanya unaonesha kwamba zaidi ya uzuri wa tabia na umbo, kuna kuna sifa nyingine za msingi ambazo mwanamke anatakiwa kuwa nazo ili aweze kuwa katika mazingira mazuri ya kupata mchumba wa kumuoa kiasi kwamba asipokuwa nazo ataishia kuchezewa tu lakini haitatokea mtu kumtakiwa kwamba anataka kumuoa.

1. MWEYE MAPENZI YA KWELI
Lengo kubwa la mwanaume kuoa ni kutaka kupata mapenzi ya kweli kutoka kwa mwanamke na ikiwezekana waweze kupata watotoa ambapo watoto mara ndio wamekuwa furaha ya ndoa. Wapo wanawake wengine ambao wanonesha wazi kutokuwa na mapenzi ya kweli bali wanakuwa na mapenzi ya kuzuga. Wanachotaka wao aidha kupata umaarufu tu kwamba yuko na mtu fulani ama kuweza kupata pesa alizonazo mwanaume lakini sio kwamba ana mapenzi ya dhati kutoka moyoni mwake.

Mwanamke asiye na mapenzi ya dhati utamgundua tu, muda mwingiutamuona macho yake yako kwenye mfuko wa mwanaume. Akiona kwamba mfuko umetuna utaona anaonesha mapenzi ya hali ya juu lakini pindi hali inapokuwa kubwa mbaya kifedha mapenzi yanaanza kufifia.

Kwanini wanaume wanapenda wana wake wenye mapenzi ya dhati kutoka mioyoni mwao na si kutokana na fedha walizonazo? Hii inatokana na ukweli kwamba maisha siku zote yanabadilika, kama waswahili wanavyosema, kuna kupanda na kushuka.

Sio kwamba kila siku utakuwa na maisha mazuri na kama itatokea hivyo basi ushukuru mungu.Hivyo basi mwanamke wa kuoa lazima afahamu hivyo na awe tayari kuonesha mapenzi yake ya dhati wakati wote wa maisha yao na si kwa kipindi fulani tu cha neema.

Si hivyo tu pia asilimia kubwa ya maisha ya ndoa yanatawaliwa na mapenzi, kwa hiyo nyanja hiyo inakuwa ya msingi sana kwa wanaume wengi kuiangalia ili wasije wakajikuta wanaoa mwanamke ambaye baada ya muda mapenzi yanakwenda likizo hali ambayo inaweza kuwafanya wasiishi maisha ya raha mustarehe.

2. WENYE TABIA NZURI
Tabia njema ndio silaha ya maisha, ukiwa na tabia nzuri kila mtu atakupenda, hiyo ni katika maisha ya kawaida. Lakini linapokuja sualana kuoa tabia inakuwa kitu cha awali sana kungaliwa na hiyo inaweza kuwa na ukweli kwa sababu wapo wasichana wazuri wenye mvuto wa aina yake na maumbile mazuri, lakini wanakosa wanaume wa kuwaoa, ukiuliza kwani utaambiwa anatabia mbaya.
Naweza kusema hilo ndilo limekuwa tatizo kubwa kwa baadhi ya wanawake kukosa wanaume wa kuwaona. Hakuna mwanaume hata mmoja kati ya wale ambao nimejaribu kuongea naye ambaye ameonesha kulidharau suala hilo la tabia.

Si hivyo tu wapo wanaume ambao wameingia kichwa kichwa na kuoa kwa kuangalia sura tu bila kujali tabia, matokeo yake baada ya siku chache yanatokea machafuko ya aina yake hali ambayo imepelekea kuvunjika kwa ndoa kutokana na tabia mbaya alizonazo mwanamke.

3. WENYE UCHU NA MAENDELEO
Hivi karibuni kumekuwepo na mabadiliko ya aina yake kwa wanaume, wengi sasa hivi hawapendi kabisa kuoa mwanamke ambaye hana kazi yaani 'golikipa'. Kama atakuwa hana kazi basi awe na uchu wa maendeleo kwa kujituma kufanya kazi mbalimbali za kimaendeleo kama vile kilimo kwa wale walio vijijini na biashara ndogondogo kwa wale ambao wako mijijini na hata vijijini.

Ile dhana ya kusema mwanamke ni mama wa nyumbani wa kukaa na kujipodoa akimsubiria mwnaume arudi amstarehesha, sasa hivi imepitwa na wakati. Wanaume wengi wanapenda wanawake ambao ni wahangaikaji, wenye ndoto za maendeleo katika maisha yao. Hata kama watakuwa si wafanyakazi lakini wawe wenye kutoa ushauri kwa waume zao juu ya jinsi gani wafanye ili wafanikiwe.

4. WASIOPENDA MAKUU
Kuna wanawake wengine wanakuwa na tabia za ajabu sana kiasi kwamba yaweza kuwa kero kwa wanaume. Wapo wanawake ambao wanapenda makuu bila kujali hali halisi ilivyo. Kuna wanawake naweza kusema wana tamaa, kila wikiendi utamsikia "leo tunakwenda wapi dear?"

Akimuona rafiki yake kanunua simuya laki tatu na yeye utamsikia akisema, ‘na mimi naomba uninunulie simu kama ya Grace’. Ukienda naye Pub anakuambia,"mimi sinywi pombe za chupa natumia za kopo tena Heineken’. Yeye hajali kiasi cha pesa mwanaume alicho nacho na usipotekelezea anachukia na anaweza hata kupunguza mapenzi.

Wanawake kama hawa wako katika mazingira magumu sana ya kuweza kupata wanaume wa kuwaoa. Mara nyingi katika maisha fedha huzungumza, kama mwanaume atakuwa na pesa ya kutosha itakuwa rahisi sana kwa mwanamke kupata kila atakachopenda lakini si kwa kumwambia mimi nataka kitu fulani.Mwanaune mwenyewe utamsikia akisema, ‘unataka nikununulie simu ya aina gani, au leo unataka twende wapi?’ hapo ndipo utakuwa na nafasi ya kusema, ‘mimi nataka uninunulie simu kama ya fulani ama leo nataka twende sehemu fulani.’

Wanaume ni warahisi sana wa kuwapatia wale ambao wanatarajia kuwaoa chochote ambacho watahitaji kama tu pesa haitakuwa tatizo. Kitu ambacho kinawaudhi wanaume wengi ni ile tabia ya mwanamke kupenda mambo makubwa bila kuangalia uwezo uliopo kwa mwanume.

Kuna wanawake wengine wao si wasemaji kabisa, yeye anasubiri leoamemletea hiki, anapokea na kushukuru, kesho akiambiwa twende beach anakubali. Au wengine wanasubiri mpaka waulizwe wanataka nini, ndio wanasema.

Sisemi kwamba uwe mkimya tu hata kama una shida ya kitu fulani na unafahamu kwamba ukimweleza mwenza wako anaweza kukusaidia, hapana! kama unaona kwamba uwezekano wa kupata kile ambacho unakihitajiupo mweleze kwa utaratibu naamini atakuelewa na kukutimizia.Tabia ambayo hawaipendi wanaume wengi ni ile ya kulazimisha ufanyiwe kitu fulaniwakati inawezekana uwezekano haupo.

5. WAVUMILIVU
Wapo wanawake ambao sio wavumilivu kabisa katika maisha.Tunajua kwamba maisha siku zote hayatabiriki, yanaweza kutokea matatizo ya kiafya ama kifedha.Huu ndio wakati wa kuona uvumilivu wa mtu.Kama mwanamke anatarajia kwamba siku zote ni za raha tu na pindi matatizo yanapotokea anachukua uamuzi wa kumtoroka mwanume, huyo siyo mwanamke wa kuoa.

Wangapi leo hii huwatoroka waume zao pindi inapotokea kuumwa, kufilisika ama kupatwa na tatizo lolote ambalo kwa namna moja ama nyingine yanaweza kuwafanya maisha yao kutingishika?

Uvumilivu kwa mwanamke utakuwepo kama tu atakuwa na mapenzi ya dhati kama nilivyozungumza hapo awali. Mwanamke mweye mapenzi ya dhati ni lazima atakuwa mvumilivu na atakuwa tayari kuishi katika maisha ya aina yoyote, yawe ya raha ama ya starehe.Hawa ndio wale ambao wanaume wengi wengependa kuwa nao maishani mwao.

Licha ya kupenda kuoa wanawake amabo wana tabia hizo nilizozitaja hapo juu, wanachukizwa sana na wanawake ambao wanavijitabia vidogo vidogo ambavyo kimsingi havikubaliki katka jamii.

Tabia hizo ni kama wambea, wasio wakweli na wawazi, wasioridhika, wagumu kusamehe na wapesi wa kuchukia, wagomvi na wenye roho ya kwanini.
Utafiti huu umefanyikwa kwa baadhi ya wanaume ambao wanatarajia kuoa wanawake ambao wanaoishi katika maeneo mbalimbali

Kwa maana hiyo basi hiyo iwe changamoto kwa wanawake. Wajue kwamba wanaume wanafurahi kuwa na wanawake wa aina gani. Hata kama utakuwa umeshaolewa, kama kuna wakati kunakuwa na kutokuelewana baina yenu, chunguza yawezekana kwamba unakosa mojawapo ya tabia ambazo nimezitaja hapo juu. Waweza kubadilika kwani inawezekana.

FISI WAFUKUA MAKABURI SHINYANGA

Shinyanga. Kamanda wa Polisi Mkoa wa Shinyanga, Mika Nyange amesema vimeokotwa vipande vya miili ya binadamu Mtaa wa Butengwa, baada ya makaburi ya Kata ya Ngokolo Manispaa ya Shinyanga kufukuliwa na fisi.

“Baada ya taarifa kupatikana askari walifika eneo la tukio na kujionea makaburi yakiwa yamefukuliwa, hivyo tukawataka wananchi kushirikiana kufukia miili hiyo,” amesema Nyange.

Mjumbe wa Mtaa wa Butengwa, Peter Joseph amesema alipewa taarifa ya kuonekana kwa miili hiyo ikiwa inatafunwa na mbwa.

Mjumbe wa Mtaa wa Mageuzi, Kata ya Ngokolo, Mhoja Pius amelalamikia Halmashauri ya Manispaa ya Shinyanga, kutosimamia vizuri mazishi ya watu wasiokuwa na ndugu.

UINGEREZA YATANGAZA KUZINDUA NOTI YA PLASTIKI

Benki kuu ya Uingereza imetangaza kuzinduliwa kwa noti za Plastiki za pauni 5.

Noti hiyo ya pauni tano itakuwa ya kwanza katika kipindi cha miaka 100 ambapo sarafu ya nchi hiyo imekuwa ikichapishwa kwenye karatasi.

Plastiki hiyo inayofahamika kwa jina halisi 'polymer' ni nyepesi na itahitaji wino maalum kutumiwa kuchapishwa pande zote mbili.

Hata hivyo Uingereza sio taifa la kwanza kutumia noti za plastiki, mataifa mengine zaidi ya 20 duniani tayari yanatumia noti zilizotengezwa kutokana na plastiki.

Mataifa hayo ni pamoja na Scotland, Australia, New Zealand, na Canada

Benki kuu ya Uingereza inasema kuwa noti za plastiki (Polymer) ni bora kuliko zinazotumika sasa za karatasi kwa sababu zinadumu zaidi na pia hazichafuki.


Aidha noti hizo hazilowi maji haswa pale mtu anaposahau pesa mfukoni kisha nguo zake zikaoshwa.
Benki hiyo pia inasema kuwa ni vigumu mno mtu kutengeneza noti bandia za plastiki.

Pia benki hiyo inasema kuwa noti za plastiki zitapunguza gharama ya kuchapisha noti mpya kila mwaka.

Noti hiyo itaanza kutumika mwezi septemba mwaka huu.

Baada ya majaribio ya noti ya pauni tano, benki hiyo inapania kuzindua noti za pauni 10 mwakani na kisha pauni 20 kufikia mwaka wa 2020.