HAUHITAJI PESA KUPATA PESA

Kila ninapojaribu kushirikisha Rafiki zangu Juu ya dhamira yangu ya kufanya mambo makubwa maishani kama vile kuwa kati ya mabilionea wakubwa 10 nchini Tanzania, huwa ninapata Jibu la "Huwezi", kwamba Hayo ninayotaka kuyafanya yanataka mtaji mkubwa sana.
Hata hivyo, nimeapa kutokata tamaa, kwasababu wanasema "mtu akikwambia Huwezi kufanya Hili" Maana yake.

anakwambia yeye hawezi. Ukiuliza ni Kwanini wanasema "Haiwezekani" kufanya mambo makubwa, Jibu lao huwa ni moja tu nalo ni "mambo mazuri yanataka mtaji" .

Suala la kukosa mtaji limetolewa na watu wengi kama sababu moja Kubwa ya wao kushindwa kujikomboa kutoka kwenye janga kubwa la umaskini na hasa umaskini wa kipato. Kutokana na hali hii, watu wengine wemefikia hapo hata ya kuacha kufikiria Kitu Chochote kinachohusu mafanikio.
Wanasema kila wakiwaza kufanya Kitu chochote cha maendeleo au uwekezaji wanagundua Kuwa hawana hata senti moja ya pesa.

Kwahiyo, mtaji kwao umekuwa ni kizuizi cha wao kufikia maisha mazuri. Hali hii ya kujiona hatuna mtaji ni jambo la hisia zaidi kuliko uhalisia (Ukweli) wenyewe.
Tangu tukiwa wadogo tumeaminishwa uongo Kuwa "Huwezi kufanya Kitu cha maendeleo Mpaka upate pesa Kwanza" . Lakini, Baadae imekuja kugundulika Kuwa suala la kuhitajika pesa na upate pesa ni uongo mtupu.

Tumia akili yako vizuri, itakupa pesa.
Najua utajiuliza maswali mengi bila kupata jibu kamili juu ya usemi huu, na hii ni kutokana na kwamba ukweli, kwa miaka mingi umeweza kusikia na kuambiwa na watu wako wa Karibu Kuwa "unahitaji Kuwa na pesa ili kupata pesa".

Kwa vyovyote vile kama umekuwa ukiambiwa maneno haya mara kwa mara, ni wazi kwamba umekuwa muumini mzuri wa maneno haya. Ni vyema leo ukaanza kuhoji juu yako ya imani hii ambayo umekuwa nayo kwa miaka mingi na inawezekana imechangia hata kukukwamisha kufikia mafanikio makubwa ambayo ni haki Yako ya msingi.

Jaribu leo kuipa akili yako changamoto ya kufikiri nje ya ya mazoea siku zote. Na ukiendelea kuipa akili yako changamoto ya kufikiri upya, ninapenda nikushirikishe walau sababu chache za kwanini ni hatari endapo utaendelea kuamini uongo huu wa kwamba unahitaji kuwa na pesa ili kupata pesa.
Imani ya kwamba ni lazima kuwa na pesa kwanza ili kupata pesa ina athari lukuki na ni mojawapo ya kikwazo kikubwa cha sisi kushindwa kufanikiwa, kwanini ni kwa sababu Inaiba matumaini yako yote.

Kwanini matumaini ni muhimu? Kwa sababu kama huna pesa na ukachagua kuamini uongo huu kuliko kuamini kwamba una nguvu. Unajihisi kunaswa kwenye mbio za sakafuni ambazo uishia ukingoni. Matokeo yake unajihisi na kujisikia Kuwa unahitaji pesa, ili kujinasua kwenye mtego wa umaskini.

Kwahiyo, unapoona huna pesa Kwanza unaamua kuendelea na umaskini wako bila kuchukua hatua yoyote kwasababu wewe unaamini umaskini wako utaondoka tu Siku ukipata pesa - kibaya zaidi ni kwamba siku Hiyo haijulikani itafika! lini inakufanya kuwa mchungu.
Kama unaamini kuwa inahitajika pesa kwanza ili kutengeneza pesa, na huna pesa, basi inawezeka kabisa ukajisikia na kujiona mnyonge mbele ya watu wengine na hatimaye kujiona mwenye mkosi au bahati Mbaya kuliko watu wengine.

Kwahiyo badala ya kuwa na hamasa unapoona mafanikio ya wenzako, wewe unaanza kuwachukia walichonacho. Nadhani mtakubaliana na mimi kuwa hapa Tanzania hali hii ya kuwachukia matajiri bila Sababu inazidi kuota mizizi kadiri siku zinavyozidi Kwenda mbele.
Na badala ya kuongeza kujiamini hadi kufikia mafanikio, unaanza kuona mafanikio ya wengine kama tishio la wewe kupata uhuru wa kipato (fedha). Inakupa kisingizio:

Mojawapo ya jambo la hatari Kubwa kuliko zote ni kutumia uongo huu kama kisingizio au sababu ya wewe kushindwa kuboresha na kuongeza elimu yako juu ya uwekezaji, ujasiriamali na fedha. Badala ya kusonga Mbele na kuchukua kila fursa au mwanya wa kujifunza Juu ya fursa mbalimbali zilizopo, unaamua kuacha kuendelea.

Saa utakayokubali kwamba "haiitajiki pesa kupata pesa" , ndipo mara moja utaanza kujipa Nguvu, matumaini na la muhimu Zaidi, utaacha kutoa visingizio kama sababu ya wewe kushindwa kuchukua fursa fulani fulani zinazojitokeza kila Siku.
Hii ddiyo tofauti ya watu ambao wamefanikiwa na wale ambao hawajafanikiwa. Ewe mtanzania mwenzangu, malalamiko juu ya kukosa mtaji hayatakaa yaishe, kwani hakuna watu maalumu ambao wapo kwaajili ya kukugawia mtaji.

Kupata mafanikio makubwa kunahitaji ndoto ya maisha mazuri, muda, mipango au mikakati. Kikubwa zaidi, tunatakiwa kuchambua na kujua tunahitaji nini ili kuishi maisha ya ndoto yetu.
Ukishafahamu nini hasa mahitaji yako, rahisi kujipanga na kutenda kidogo, huku ukichukua hapo hatua moja baada ya nyingine. Endapo utaweza kuwa na ndoto na baadae ukatenda sawa na ukubwa wa ndoto hiyo, basi ujue kuwa siku moja utaweza kufika kwenye mafanikio makubwa uliyokuwa ukitamani kuyapata.

NGONO INAWAZEESHA WASICHANA :KHADIJA KOPA

Malkia wa mipasho Khadija Kopa amefunguka kwa kusema kuwa ngono ni moja kati ya vitu ambavyo vinawazeesha wasichana wengi.

Akiongea katika kipindi cha Ulimwengu wa Filamu kinachoruka TBC 1 Jumamosi hii, Khadija Kopa amesema yeye hazeeki kwa sababu siyo mtu wakuendekeza maswala ya ngono.

“Mimi najitunza sana ndo maana kila siku naonekana bado mbichi,” alisema Khadija. “Unajua wasichana wengi wanaendekeza masuala ya ngono, ngono inazeesha sana, haya makrimu ndo usiseme, ukiweza kukaa nayo mbali basi kila siku utaonekana mbichi,”

Katika hatua nyingine, muimbaji huyo amewataka mashabiki wake wa muziki kusubiria kazi mpya ambazo ataziachia hivi karibuni.

CLINTON NA TRUMP WAZUNGUMZIA MAUAJI MAREKANI

Clinton na Trump

Wagombea wawili wa kiti cha Urais nchini Marekani wametoa maoni yao kuhusu yale yaliyotokea katika mji wa Dallas ambapo polisi watano waliuawa na sita kujeruhiwa.

Hillary Clinton amesema kuwa mauaji hayo yanastahili kumshangaza kila raia wa Marekani.

Amesena kuwa Marekani ni lazima ifanye jitihada zaidi, kuwa na mipangilio kuhusu matumizi ya nguvu kupitia kiasi kutoka kwa maafisa wa polisi na pia kuwalinda polisi.


Maafisa wa polisi mjini Dallas

Naye Donald Trump alitoa video akisema kuwa mauaji hayo yamelitikisa taifa hilo.

Alisema kuwa Waamerika ni lazima waonyeshe uzalendo kwa polisi lakini akaongeza kwa vifo vya wanaume wawili weusi mikononi mwa polisi, vinaonyesha bayana jinsi kazi kubwa inastahili kufanywa kumwezesha kila Mmarekani kuhisi kulindwa.

AFUNGA NDOA NA MDOLI

Senji Nakajima mwenye umri wa miaka 61, amenunua doli na kulifanya kuwa mke wake wa maisha baada ya kuwa mbali na mkewe aliefunga nae ndoa na kuzaa nae watoto wawili.
Hakika, Senji Nakajima, kwa sasa anajivunia kuwa na mahusiano ya kimapenzi na doli lake analoliita Saori- baada ya kumpenda sana kutoka ndani ya moyo huyo mdoli.

Kwa sasa Senji anasema ana mahusiano na doli hilo kwa mda wa miaka sita, baada ya kuwa mbali na mkewe kwa kipindi chote hicho kutokana na kazi.
Miezi michache iliyopita  Mr Nakajima, kutoka Tokyo Japan, alidai kuwa mahusiano ya wawili hao yapo katika ngazi za juu sana.

Kwa upande wake Senji anadai kupata upendo wa uhakika, na anafurahia sana kuwa na mahusiano na Saori. Wawili hawa wanaishi katika nyumba ya pamoja - na pia wanachangia kitanda kimoja. Na anapenda kumchukua na kwenda nae shopping na kumnunulia nguo.

Mr Nakajima alisema:" Hawezi kumsaliti kamwe mrembo wake"
"Anadai amechoshwa na mahusiano ya binadamu. Wengi wao hawana moyo wa huruma.
"Kwa upande wake Senji Saori ni zaidi ya doli kwake.
Anamsaidia sana mpenzi wake na kufurahia maisha kwa pamoja.


Madoli haya kutoka kwa Wadachi, yanazidi kupata umaarufu Asia ambayo yananunuliwa kwa  £4,000.
Yana midomo mizuri, ngozi ya kuvutia kama ya binadamu wa kawaida- kazi kwako tu kuchagua umbo na rangi ya nywele.

HONGERA SHEKHE MKUU KWA KUONYESHA UPENDO

Sheikh Mkuu wa Mkoa wa Dsm amehudhuria ibada katika kanisa la Ufufuo.Akiongea na waumini wa kanisa hilo Sheikh amesema yeye kama mdau wa kamati ya Amani ya Mkoa wa Dsm anayofuraha kuona Tanzania inazidi kuwa nchi ya amani licha ya utofauti wa dini.

Amepongeza utii wa waumini wa Kikristo kwa viongozi wao,juhudi za kanisa katika kutoa huduma za jamii kama elimu na afya.Amewataka waumini wote kuishi kwa umoja na upendo na wenzao Wislam na baadae kusumisha amani na mshikamano wa Taifa.

VAT KUWAFUKUZA WATALII

Kodi ya Ongezeko la Thamani (VAT) kwenye shughuli za utalii iliyoanza mwezi huu, imezishtua nchi 30 za Ulaya ambazo zimeiandikia barua Serikali ya Tanzania zikiomba ifikirie upya au isianze kutumika hadi mwaka ujao.

Kodi hiyo, ambayo ni sehemu ya mkakati wa Serikali kukusanya mapato ili kuondokana na utegemezi, ilitangazwa kwenye Bunge la Bajeti lililopita na tayari Sheria ya Fedha imeshapitishwa kubariki matumizi yake, licha ya wabunge kuipinga kwa maelezo kuwa itazipa nchi washindani mwanya wa kukuza utalii.

Dk Philip Mpango alisema walipata wazo la kuanzisha kodi hiyo kutoka nchi jirani ya Kenya, lakini wakati akitangaza hayo waziri mwenzake wa nchi hiyo alitangaza kuiondoa baada ya utalii kuathirika kutokana na mashambulizi ya kigaidi.

Wakati sheria hiyo ikianza kutumika nchini, nchi hizo za Ulaya ambazo ni wadau wakuu katika sekta ya utalii zimemwandikia barua hiyo Dk Mpango, naibu wake, Dk Ashatu Kijaji na Waziri wa Maliasili na Utalii, Profesa Jumanne Maghembe.

Chama cha Kitaifa wa Mawakala wa Usafiri na Wasimamizi wa Utalii (ECTAA) kutoka nchi 30 za Ulaya ndicho kinachoziwakilisha kampuni zaidi ya 70,000 za utalii barani humo. Nchi hizo ndizo zinazotoa asilimia 50 ya watalii wote duniani.

Katika barua yao iliyoandikwa na Katibu Mkuu wa ECTAA, Michel de Blust, nchi hizo zilieleza wasiwasi wao kutokana na utambulishwaji wa ghafla wa kodi hiyo katika huduma za utalii, zikisema uamuzi huo unaongeza gharama za safari nchini.

“Najua utakubaliana na mimi kuwa kodi ina umuhimu wake na ina madhumuni yake, lakini inaweza kubadili mawazo ya watalii na wakachagua maeneo mengine,” inasema barua ya Blust.

Waziri wa Fedha na Mipango, “Mfano mzuri ni Kenya, utambulishaji wa kodi katika huduma za utalii mwaka jana ulishusha idadi ya watalii kwa asilimia nne na baadaye Kenya waliamua kuachana na kodi hiyo ili kudumisha ushindani wake.”

Barua hiyo inasema kodi hiyo katika huduma za utalii itaathiri waandaaji wa safari za watalii wanaotoa huduma nchini kwa sababu hakukuwa na tangazo la kuwaandaa kabla ya kuanzishwa kwa tozo hiyo.

“Waandaaji wa safari wa Ulaya wanawajibika na sheria inayomlinda mteja, hivyo wanatakiwa wawe wanafahamu bei na kodi mpya kabla. Kwa sasa ni vigumu mno kwa waandaji kubadili bei zao ghafla,” inasema barua hiyo.

Kadhalika, barua hiyo inaeleza kuwa Wakala wa Utalii wa Tanzania uliwasiliana na Wakala wa Ulaya kuhusu kodi hiyo na mawakala wa Ulaya wanatafakari kama wanaweza kuingia gharama hiyo au kujiondoa katika mpango huo.

“Kama kodi hii ikiahirishwa, basi waandaaji wa safari za watalii watajipanga kuingia gharama hizi na kubadili mfumo wote wa huduma hizo Ulaya,” inasema barua hiyo.

Hivi karibuni, Waziri Maghembe alinukuliwa kwenye mkutano wa Shirika la Hifadhi za Taifa (Tanapa), akisema kuwa Serikali haitabadili msimamo huo.

Alisema Sh7 bilioni wanazotarajia kupata kwa kutoza VAT kwenye huduma za utalii, zitawapa uwezo wa kutangaza utalii nje ya nchi na kuziba pengo la bajeti linalotokana na kushuka kwa utalii wa uwindaji. Alisema VAT itakayokatwa ni asilimia 18 ya kitu kilichonunuliwa na inatozwa wakati wa kununua huduma ya utalii.

Katibu Mkuu Wizara ya Maliasili na Utalii, Meja Jenerali Gaudence Milanzi alisema hajaiona barua ya ECTAA, lakini akasema watafanya kikao na Chama cha Wafanyabiashara za Utalii Tanzania (Tato) ili kujadili nini kifanyike ili sekta ya utalii isiyumbe.

“Hili ni suala mtambuka na hii VAT ilipitishwa na kikao cha bajeti, wizara kwa sasa haina la kufanya zaidi ya kutafuta njia mbadala ili sekta isiyumbe,” alisema.

Tovuti kwa ajili ya watalii ya Afrika, Safaribookings.com imeeleza kuwa wamekuwa wakipata barua pepe kutoka kwa wateja ambao wamepewa taarifa kutoka kwa wasimamizi wa watalii kulipa fedha za ziada.

Marc Harris, mkurugenzi wa kampuni ya Tanzania Odyssey inayotoa huduma za kitalii na yenye makazi yake nchini, aliliambia gazeti la Daily Telegraph la Uingereza kuwa kodi mpya ni janga kubwa ambalo halikutarajiwa na wengi.

“Watanzania wanaweza kufanya chochote kuhusu kodi, lakini suala la muda ndiyo tatizo. Wametupa taarifa hizi Juni 23, wiki moja tu kabla ya kodi kuanza kutozwa,” alikaririwa na gazeti hilo.

Alisema gharama kubwa itaonekana kwenye malazi ambayo inaonekana kuongezeka kwa asilimia saba.

“Kinachoshangaza ni kuwa Hifadhi za Taifa hazijasajiliwa VAT, lakini inatoza fedha hizo. Sijui watazitumiaje,” alisema Harris.

Mmiliki wa kampuni ya kitalii ya Safaribooking.com, Wouter Vergeer alisema muda mfupi waliopewa umewashtua.

“Maelfu ya wateja wameshtushwa na chaji hizo ambazo hazikutarajiwa. Wengi hawajapata muda wa kujipanga kwa tozo hizo, hata risiti zenyewe za VAT hatuna,”alisema.

JE UNA TATIZO LA KUWASHWA LIPS?HII HAPA TIBA YAKE

Hili ni tatizo ambalo mtu uhisi kuwashwa na kuwa na hamu ya kujikuna ngozi au kuvimba sehemu za mdomo(Lips). Hii husababishwa na vipodozi, lipsticks, vyakula, mazingira na magonjwa mbalimbali asa malengelenge, magonjwa ya ngozi, chango, saratani, kuchafuka kwa damu, ukurutu, matatizo katika nyongo, ukosefu wa vitamini nk.

MATIBABU YAKE.
Unaweza kujitibu tatizo hili kwa kuepuka aina ya vyakula, vipodozi na lipsticks ambavyo hujawahi kutumia. Pia unaweza kutumia dawa zinazoongeza vitamins kama Multivitamin complex au kula vyakula vyenye vinavyoongeza vitamin mwilini sambamba na kulainisha lips.

Kumbuka kujikuna au kugusa sehemu inayowashwa itakupelekea kukuza tatzo na kuongeza maambukizi mengine.
Kama tatizo haliponi unaweza kufika hospitali au kituo chochote cha afya kwa uchunguzi ambapo dawa kama cetrizene, hydrocortisone, acyclovir, antibiotics kwa njia ya sindano, vidonge au cream huweza kutolewa kutokana na ukubwa wa tatizo.