TABIA MUHIMU ZA MWANADAMU KUFIKIA MAFANIKIO

Kila niangaliapo na kuzichunguza tabia za watu fulani hunipa jibu kuwa kuna tofauti kubwa za tabia za watu katika maisha ya mafanikio.Tabia hizo huonekana pale ambapo mtu anapopata pesa nyingi na pia anapokosa pesa.Wahenga walisema "Pata pesa ujue tabia yako"Hii inamaanisha kuwa watu wengi wakipata pesa hubadilika tabia,hubadilika staili ya mavazi,hubadilika kuongea kwao,hubadilika kutembea kwao.

Leo katika makala haya nimekuletea tabia kuu tatu ambazo mwanadamu anazo wakati akipata pesa.Tabia hizi zinaakisi mwenendo mzima wa maisha ya wanadamu wote na ndio tabia kuu zilizoidhinishwa na Chuo kikuu cha kimataifa cha Havard.

1:MTUMIAJI

Huyu ni mtu ambaye akipata pesa huwaza kutumia kwa anasa na mambo mengine ambayo hayana maaana katika maisha yake.
Mtu huyu hajui ya kesho wala hajui kuwa kuna kukosa hivyo hudumia pesa yake kwa anasa za kila aina ambazo hazina faida katika maisha yake.

Kama ulishawahi sikia stori za mtu akikuambia kuwa
"Hapo zamani nilikuwa nahudhuria katika baa ya DDC kila siku ya jumamosi na jumapili"
"Nilikuwa nalipwa Shilingi ELfu hamsini,mshahara wangu ulilingana na mshahara wa mkurugenzi"
Chunguza maisha ya mtu huyo aliyekuwa akihudhuria Baa kila siku za mapumziko kuwaangalia Jazz Band na kucheza muziki,Juhudi alizoweka kuangalia Muziki ngeweka kuatika uweklezaji angekuwa na mali nyingi pengine kuliko alizonazo sasa.

2: MTUNZAJI

Huyu ni mtu yule ambaye anaenda kutunza pesa benki kwa muda mrefu pasipo kumzalishaia kwa Lugha ya uswahilini watu hawa wanaitwa "wabahili" Mara nyingi watu hawa husikitika sana pale wanapoona pesa zao zikitumika kwa uzalishaji,hufikiri kuwa pesa ikiwekezwa inaweza kupotea na asiipate nyingine tena.

Mara kwa mara watu hawa hutunza pesa zao kwenye maroba,mabenki au huchimbia chini ya ardhi,huishi maisha ya kawaida kabisa ambayo si rahisi mtu mwingine kumjua kama ana kiasi kikubwa cha pesa.

3: MWEKEZAJI

Mtu mwenye tabia hii ndio mwenye mafanikio makubwa,watu hawa ndio wanaoongoza dunia,ndio wanaomiliki mali nyingi na kumiliki viwanda vikubwa ambavyo ndio hutoa ajira nyingi.Watu wenye tabia hii hutamani kuwekeza kila pesa inayopita mikononi mwao,wako tayari kuwekeza pengine wasibakiwe hata na shilingi mikononi mwao.

Hizi ndio tabia kuu tatu ambazo mwanadamu amezaliwa nazo,tabia hizi zinaweza kubadilika kulingana na mazingira uliyonayo ingawa haziwezi kufutika kabisa.

Mara nyingi tabia hizi hubadilika na kukomaa pale unapoambatana na mwenye tabia kama yako,hushindwa kukomaa na hubadilika kutoka kwenye tabia nyingine pale unapoambatana na mtu mwenye tabia isiyofanana na tabia yako.

Asante sana wako Bundala Abely Izengo

KUWA MWANDISHI WA FILAMU YA MAISHA YAKO

Uandishi ni moja ya kazi ambayo inahusu kukusanya habari na kuzichambua kwa kina kwa dhumuni la kutaarifu umma,lakini kwenye makala haya namwelezea mwandishi wa filamu ambaye anaandika filamu ya muongozo wa maisha yake ambaye ni wewe,ndio wewe ni mwandishi mzuri au mbaya wa filamu ya maisha yako.

Mwandishi mjuzi wa filamu huandaa mwongozo mzuri kuanzia mwanzoni na mwisho wa filamu yake,hupangilia wahusika katika vipengele mbalimbali vya filamu husika.Mwandishi huandaa muongozo wa filamu ambayo huanza kumpa picha halisi kabla ya kuanza kuicheza filamu hiyo.

Katika kuandika filamu ya maisha yako,wewe kama mwandishi ni lazima uwe na washiriki wakubwa watatu ambao ndio hukamilisha sinema ya maisha yako.

1)MTAZAMAJI

Huyu ni mtu ambaye anatizama jinsi ambavyo sinema ya maisha ya wengine inavyoendelea, huyu hukubali na kupongeza baadhi ya vipande vya maisha ya wengine na kuviponda au kuvikosoa baadhi ya vipande hivyo.Aina hii ya watu ni watu wa kwenye vijiwe vya kahawa,bao au kamali huwa ni watu wa kutoa maoni juu ya maisha ya watu,hawa ni watu walio duni katika maisha yao,watu wasio kuwa na ndoto katika maisha yao.

Ni watu ambao hawajuo kupambanua nyakati hukosoa juhudi za watu wengine.

Mfano "Fulani kanunua gari amehongwa na mtu fulani:" autasikia

"Huyu ana nyumba nzuri ameibia kampuni fulani"
Epuka vikao vya watazamaji hawa ambao wanatazama filamu za wengine zikiendelea mbele.

2) MWIGIZAJI

Mwigizaji ni mhusika mkuu katika filamu ya maisha na anajua kuwa yeye ni mhusika mkuu na anaweza kuongoza sehemu kubwa ya filamu ya maisha yake.Anaweza kujenga au kubomoa filamu ya maisha yake kwa jinsi ambayo anaweza kuuvaa uhusika katika maisha na jinsi ambavyo anaweza kuusaliti uhusika wake.

Mwigizaji huwa na furaha katika maisha yake kwa sababu anajua kuwa yeye ni mshindi na ufurahia maisha ya aina yoyote ile pia hufahamu kabisa kuwa filamu ya maisha yake inaweza kuisha kwa namnna yeyote ile na yuko tayari kwa lolote.

3) MWANDISHIA MWIGIZA

Huyu ni mtu yule ambaye haangalii tu na haigizi tu lakini ni yule ambaye anatengeneza sinema kutoka kichwani kwake.anajua nini ataongea,atafanya kipi na mwisho wa sinema utakuaje .

Mtu huyu ana uwezo mkubwa wa kuendesha maisha yake na anajua kabisa maisha yake yatakuwa mazuri au mabaya.

Mtu huyu huwa makini sana katika kujenga maisha yake.Watu wengi waliofanikiwa wapo katika kundi hili,ni waandishi,waigizaji na waongozaji katika sinema za maisha yao.

Swali la kujiuliza

Je wewe ni mtizamaji?

Je wewe ni mwigizaji ambae unaigza kwenye filamu usiyoijua mwisho wake?

Au wewe ni mwandishi na mwongozaji wa filamu ya maisha yako?

Maisha yako, yako mikononi mwako ni wajibu wako sasa kutengeneza au kubomoa,kuwa mwandishi,mwigizaji au mtazamaji.

Asante sana kwa muda wako kwa kusoma makala haya.

Ndimi Bundala Izengo 0656669989.

HATUA KUU TATU ZA KUFIKIA NDOTO YAKO

Unaweza kushangaa kwa nini hupati kile unachokitafuta!Je unajua sababu ya kushindwa kutimiza ndoto zako ni wewe mwenyewe?
Utakubaliana na mimi kuwa sababu ya kushindwa kutimiza ndoto zako ni kwa sababu haujui nini unakitafuta na unakihitaji.

Watu wengi wamekuwa na hamu ya kupata mafanikio makubwa lakini wameshindwa kutofautisha hamu/shauku zao ambazo zimegawanyika katika viwango vitatu vya uhitaji.

Viwango hivi vitatu ambavyo vitakusaidia wewe kujua upo katika kiwango gani,pengine kupiga hatua kutoka katika kiwango ulichonacho kwenda kwenye kiwango kinachofuata

1. KIWANGO CHA "NINGEPENDA"
"Ningependa" neno hili huonyesha upenzi wa kitu fulani ambacho mtu anapenda kukipata au kuwa.Mfano Ningependa kuwa raisi,Ningependa kuwa tajiri.,,

Ningependa kuwa mfanya biashara mkubwa.Watu wengi wako katika kundi hili la kutaka kuwa mtu fulani lakini katika kundi hili hutumika nadharia tu, hakuna kitendo chochote kitakachotokea katika kiwango hiki cha kupenda.


2. KIWANGO CHA "KUTAKA"
Katika hatua hii watu husema nataka kuwa mtu fulanii ninataka kuwa mwandish mzuri,ninataka kuwa mwalimu mzuri.

Hatua hii inakusanya maandalizi madogomadogo pia ni hatua muhimu ya mwanzo inayokusanya vitendea kazi kwa ajili ya kuvitumia katika kusudio lako.

Kiwango hiki sio kiwango ambacho kinakuweka katika kilele cha mafanikio lakini ni kiwango cha pili cha muhimu cha maandalizi ya kukuweka kwenye kilele.

3. HATUA YA KUJITOA (KUFANYA KAZI)
Katika hatua hii ndipo watu huanza kufanya kile ambacho ndoto yao inataka iwe,bidii ndio funguo muhimu ambayo mtu anapaswa awe nayo katika kufanikisha jambo lake na kupiga hatua zaidi.Dhamira ndio kiini cha mambo yote kwa kunafanya kile ambacho umekidhamiria,kile ambacho kimekuwa ni ndoto yako ya kila siku.

Dhamiria kikamilifu katika ndoto zako,fanya kazi kwa bidii bila kuchoka,weka mipango na mikakati ya kuendeleza na kupanga ndoto zako hakika utakuwa umepiga hatua kubwa kimaendeleo na utaweza kufikia malengo yako na kupata kile unachkitafuta.

Ukawe na siku njema msomaji wangu wa mtandao wa www.patamamboadress.com
Ni mimi Mwandishi wa makala hii Bundala Izengo.a

HIVYO ULIVYO NI ZAO LA MAWAZO NA TABIA YAKO

Ni tumaini langu kuwa haujambo rafiki yangu mpendwa na msomaji wa blog hii ya patamambo,leo katika makala haya ninakwenda kuangazia nguvu ya MAWAZO inavyoweza kubadilisha maisha yako hata ulimwengu.

Wazo ni nguvu ambayo imeleta mabadiliko makubwa katika dunia hii,uumbaji wa dunia na mali zote zilizopo ulianza na wazo.Mungu alimuumba Adamu baada ya kumuumba Adamu Mungu ALIWAZA Haipendezi mtu huyu kuishi peke yake ndipo alipompatia msaidizi wake ambaye kwa jina aliitwa Hawa.

Huu ni moja wa mfano ambao nimekupatia ndugu ili uelewe juu ya Nguvu ya Wazo ambavyo imekuwa tangu dunia kuumbwa.Wagunduzi wa sayansi na tekinolojia wote walianza na wazo kisha wazo hilo wakaliweka katika vitendo ndio maana leo tuna simu za mkononi,ndege,mitandao ya kijamii nk.

Je una wazo gani hapo ulipo,wazo lako lina nguvu,Wazo lako lina uwezo wa kukufikisha katika uhuru kifedha,Je wazo lako unaweza kuliweka katika uhalisia na kulifanyia kazi ili likuletee faida na kukupatia kipato?Haya ni maswali unayopaswa kujiuliza kabla ya kuliweka wazo lako katika vitendo.

Maisha yako yanaaksi mawazo yako uliyowaza mwaka uliopita,miezi iliyopita,juzi,jana na leo,maisha uliyonaho sasa umeyatengeneza kwa mawazo yako ya siku za nyuma kwa kujua au kutokujua,nguvu ya wazo lako ndio maisha ambayo unayoyaishi sasa na utaendelea kuyaishi kesho na kesho kutwa.

Sikiliza Rafiki nikuambie Kushindwa sio kitendo cha siku moja,huwezi kushindwa kwa usiku mmoja, kushindwa ni kosa ambalo unalifanya katika mawazo yako ni tabia ya kurudia rudia kosa kila siku hivyo matokeo yake sasa kosa hilo linakuletea matokeo hasi juu ya wazo lako.

Hivyo ulivyo ni zao la mawazo na tabia au matendo yako ambayo unayarudia rudia kuyafanya kila siku.Wewe ni maskini kwa sababu hauna tabia ya kuweka akiba kila mara,ni maskini kwa sababu mawazo yako hayaendani na vitendo vyako vya kila siku.

Asante sana kwa kusoma makala haya ni mimi Bundala A. Izengo 0656669989

FANYA HAYA ILI UWEZE KUFIKIA MALENGO YAKO MWAKA 2018

Kwaheri mwaka 2017 karibumwaka mpya wa 2018 hizi ni baadhi ya sauti za watu wengi ambao Mungu amewajaalia kuona mwaka Mpya.
Nianze kwa kukuambia kuwa Hongera sana rafiki kwa kuona mwaka 2018.

Kila mwanzo wa mwaka watu hupanga mipango mingi ili kuweza kusukuma maisha ya kila siku na kutimiza ndoto mbalimbalimbali.Ni vyema ndugu ukawa na mipango ambayo utaenda kuifanyia kazi mwaka huu 2018 na hakikisha kuwa mipango hiyo inafanikiwa kabla ya kumaliza mwaka 2018.

Rafiki unapoanza mwaka mpya kitu pekee kinachobadilika ni namba yaani 2017 - 2018 mambo mengine yote hubaki kama yalivyo,thamani ya pesa hubaki vilevile,masaa huhesabika vilevile,Dunia hulizunguka jua katika staili ileile,pumzi na hewa tunayovuta huwa ni ileile n.k.

Katika mwaka huu 2018 kitu pekee unachopaswa kubadili ni staili ya maisha uliyonayo unahitaji mabadiliko ya kifikra katika kufikia mafanikio yako, unahitaji mabadiliko ya kiroho ili kufikia malengo yako, unahitaji mabadiliko ya kimwili ili kuweza kufikia malengo yako,pia unahitaji kubadili mbinu za kuongeza thamani na faida katika biashara yako au kazi yako ili kweza kufikia malengo yako.

Unapoanza mwaka 2018 unakuwa na uhakika wa asilimia mia (100%) wa kufikia malengo yako,kadri siku zinavyokwenda ndivyo asilimia inavyozidi kupungua.

Mpaka kufikia tarehe 30/12/2018 wapo watakao kuwa wamepunguza asilimia zao za kufikia malengo na kufikia 80,70,10,20,95 hata wengine 98%.

Ningependa kila rafiki yangu katika mtandao huu anafikia malengo yake mwaka huu 2018 bila kujali ukubwa wa malengo hayo.

Fanya haya
1.Chukua Daftari andika malengo yako kumi unayofikiria kuyatimiza mwaka huu.
2. Chambua malengo yako Matano
3.Chambua tena malengo mengine matatu muhimu.
4. Andika lengo lako muhimu moja ambalo utaenda kulifanyia kazi kila kukicha.

Jikumbushe malengo yako muhimu matatu kila siku na ufanyie kazi lengo lako moja kila siku bila kusahau malengo yako mawili muhimu ambayo nayo utayafanyia kazimwaka huu 2018.

Fuatilia blog hii Patamambo ili tuweze kuhamasishana kila siku.

"USIKU HUU WANAITAKA ROHO YANGU"

Aliingia mkuu wa wachawi ambaye alikuwa akitokea Gamboshi iliyoko mkoani shinyanga wilayani Bariadi, kila mchawi alisimama na kuanza kupiga makofi kwa staili ya aina yake,walikunja mikono yao na kufanya kama kuku anayegonga mabawa akitaka kuwika.
Mkuu wa wachawi aliingia akiwa na ungo alitembea kwa kila aina ya madaha huku akifuatiwa na walinzi wake, alitokea mchawi mmoja ambaye alikuwa amebeba mtu ambaye Nipe alimfahamu.Alikuwa ni jirani yake ambaye ni mwenyekiti wa kijiji hicho,mama huyo alikuwa ni mnene na alikuwa na makalio makubwa.

Mkuu wa wachawi alikaa katika makalio ya mama yule ambaye aliwekwa chini na kuanza kikao.
“kwanza kabisa poleni kwa kazi pevu ya kulijenga taifa hili la kichawi ambalo linaongeza mamilioni ya wajumbe, si viongozi wa kisiasa ,watoto ,wakubwa hata maadui zetu wachungaji wametupa biblia na kujiunga na taifa hili.” Alizungumza kwa kujiamini.

Jicho la nipe lilikuwa likimtizama mama yake ambaye alikuwa akiitikia kwa shangwe na kila aina ya furaha .
Sina alikuwa akipika na mabinti wenzake wawili ambao walikuwa wamehudhulia kikao hicho.

Siku hiyo ilikuwa siku ya kufunuliwa kwa Nipe kwani dada zake wote walifariki katika mazingira ya kutatanisha .Baada kuzungumza kwa muda mrefu mkuu wa wachawi alisimama na kuzungumza kwa sauti ya hamaki.

“Nimepata taarifa kuwa kuna mshiriki mwenzetu ambaye alikuwa akipiga chenga ya kutoa kafara yetu ambayo tumejiwekea tangu enzi za mababu zetu, nimekuja kusikiliza malalamiko hayo ambayo leo tutayapatia ufumbuzi.” Mama yake Nipe alivuta pumzi kwa uoga.

“Mkuu hilo lilikuwa likitusumbua katika kambi yetu hii takatifu,mama Nipe amekataa kutoa kafara amekuwa akikataa kwa sababu amebakiwa na mtoto mmoja tu.”alizungumza mmoja wa wachawi aliyekuwa karibu na mama Nipe.

“Naomba tumpatie nafasi ya mwisho siku ya leo atupatie nyama au damu ya mtu ya kutupatia nguvu na kuimarisha uchawi wetu.unayo nafasi mama Nipe tupe mtu ili leo tupate chakula chetu.” Alizungumza mkuu wa wachawi ambaye alikuwa msuluhishi wa migogoro katika matawi ya serikali ya wachawi hapa nchini.

“Mkuu leo sina la kuzungumza zaidi ya kutoa karafa hiyo,kwa heshima na taadhima naomba vijana wako waelekee kwangu katika chumba cha Nipe wakamchukue kwa ajili ya kitoweo katika kikao hiki kitakatifu.”
Wote walishangilia,vijana watatu wenye miraba minne walitumwa kumchukuwa nipe nyumbani kwao kwani mama yake aliamini kuwa atakuwa karudi kutoka kwenye ngoma ya chagulaga.

Vijana hao walisimama na kuchukua usafiri wa ungo,alikimbia kwa spidi kuliko umeme, Nipe alikuwa juu ya mti wa mkwaju akisikiliza kila kilichoendelea,alishtushwa aliposikia mama yake kimtaja kuwa afuatwe ili auwawe.

“kweli mama anazungumza ili mimi niuwawe!”alizungumza kwa mshangao mkubwa huku akitetemeka miguu na mikono hali ambayo matawi ya mkwaju yalianza kutikisika ,Sina aliona hali hiyo na kujisemea kwa sauti kubwa

“Usiogope,kuwa na ujasiri”Mabinti wenzake waliokuwa wakisaidiana naye walimuuliza alikuwa ukizungumza na nani, lakini sina alisema alikuwa akikumbuka jinsi walivyokuwa wakiambiwa vijana wa kisukuma walivyokuwa wakicheza ngoma ya chagulaga.

Vijana waliotumwa walirudi mbio huku wakihema juu juu wakiwa mikono mitupu ,mama Nipe aliuliza kwa hamaki.

“ Yupo wapi mbona mnarudi mikono mitupu?”
“Hayupo tumemkosa kwani tumetazama kila kona ya nyumba tumemuona baba yake akiwa amelala lakini yeye hayupo” vijana walikuwa wametumwa kumfuata walijibu huku wakihema.

Mama nipe alichanganyikiwa alivuta pumzi kwa nguvu kabla hajaongea,mkuu wa wachawi aliuliza swali.

“Mama Nipe unataka kukichezea kikao tukufu cha wachawi ,umemficha mwanao eti” ilikuwa ni sauti ya kutisha ambayo ilionesha kuwa mkuu wa wachawi alikuwa kagadhabiika.Sauti hii iligonga katika ngoma za masikio ya mama Nipe na kumfanya apatwe na mshtuko.

“Nendeni mkamwangalie kwa rafiki yake Ngosha siku ingine huenda kulala huko .”Ilikuwa ni sauti ya mama Nipe ambaye aliamrisha vijana wake waende wakamwangalie Nipe kwa rafiki yake kipenzi ambaye hupenda kutembea naye mara kwa mara .

Vijana walichukua tena usafiri wao wa ungo na kupanda kila mmoja alihakikisha kuwa alikuwa yuko sawa sawia ndani ya ungo ule na kufyatuka.

Nipe alikuwa ndani ya mawazo mazito, mwili ulipigwa na ganzi alijikuta mkojo ukimtoka bila kujijua na kumdondokea bibi kizee aliyekuwa amekaa chini ya mti wa mkwaju.

“Haya maji yanatoka wapi”Aliuliza bibi aliyedondokewa na mkojo,sina hakuchewa kujibu.

“Bibi umekaa karibu na shina,wadudu na ndege hupenda kulala karibu ya shina atakuwa ni mdudu amekojoa .”Sina alizungumza na kumundolea kiti ambacho alikuwa amekalia na kukisogeza pembeni kidogo. Nini kitaendelea fuatilia blog hii